MANILA, Philippines- Nagresulta ang September 19 National Bureau of Investigation Anti-Organized and Transnational Crime Division entrapment operation sa Quezon City sa pagkakaaresto sa isang suspek na inaakusahan ng extortion at blackmail.
Ayon sa NBI, nagpadala ang suspek ng “slanderous” na mensahe sa biktima– isang babae na karelasyon niya.
Nagbanta umano ang suspek na ikakalat ang hubad na nude photos at sex videos ng biktima kapag hindi siya binayaran ng P10,000.
Nagbanta rin siyang gagahasain ang 15-anyos na anak ng biktima.
Nahaharap ang suspek sa kasong paglabag sa R.A. 9262 (Anti-Violence Against Women and Their Children Act of 2004) at Robbery (Extortion). RNT/SA
