MANILA, Philippines – Muling iniurong ang konstruksyon ng Bataan-Cavite Interlink Bridge sa 2025, ayon sa opisyal ng Department of Public Works and Highways (DPWH) nitong Huwebes, Hulyo 11.
Ayon kay DPWH Undersecretary Maria Catarina Cabral, ang pagkaantala ay dahil sa mga isyu sa pondo na may kinalaman sa pinakamalaki at pinakamahal na proyekto ng ahensya.
Ang mahigit 32 kilometrong tulay ay una nang tinukoy na sisimulan sa huling bahagi ng 2023 at iniurong ng kalagitnaan ng 2024 dahil sa isinasapinal pa ng DPWH ang financing arrangements sa Asian Development Bank (ADB).
Inaprubahan ng ADB ang pondo na aabot sa $2.1 billion noong Disyembre 2023 ngunit sinabi ni Cabral na ang pagsisimula ng konstruksyon ay iniurong sa 2025.
“Sourcing the funding has been really a challenge because government, the Department of Finance specifically, is trying to get the best financing packages for this biggest project of DPWH. Finally, they were able to do so and last week we just held the bidding for the first contract package of this project,” ani Cabral.
Kinokompleto pa rin ang detailed engineering design para sa tulay.
“(The) infrastructure is not going to be that easy because you’re crossing Manila Bay… Materials will come in from other parts of the country and then you will have to build piles across Manila Bay. So it’s really going to be very very challenging,” dagdag ng opisyal.
Layon ng itatayong tulay na mabawasan ang travel time sa pagitan ng Cavite at Bataan sa 45 minute mula sa kasalukuyang limang oras.
“So you don’t have to pass Metro Manila if you’re coming from Bataan going to Cavite. It will help decongest Metro Manila,” ani Cabral.
Sa oras na makumpleto ay ito na ang magiging pinakamahabang tulay sa bansa, mas mahaba pa sa 8.9-kilometer Cebu-Cordova Bridge at 2.1-kilometer San Juanico Bridge. RNT/JGC
