MANILA, Philippines – Pinasabugan ng granada ang residential compound ng municipal administrator ng La Paz, Abra nitong Huwebes, Hulyo 11.
Ayon sa mga imbestigador, walang nasaktan sa nangyaring pagsabog sa tirahan ni La Paz administrator Perfecto “Pope” Bolos Cardenas sa Rizal Street, Zone 6, Bangued, Abra, bandang alas-2 ng madaling araw.
Narekober ng Abra Provincial Explosive Ordinance and Canine Unit ang safety lever at pin mula sa hindi pa tukoy na hand grenade sa lugar.
Sinabi ni Bangued Municipal Chief of Police Major Paul Claveria na sinusuri na nila ang surveillance camera footage para matukoy ang mga suspek. RNT/JGC
