MANILA, Philippines – Haharap sa automatic lifetime blacklisting mula sa proyekto ng gobyerno ang mga contractor na mapatutunayang guilty sa pagpapatupad ng “ghost projects”, inanunsyo ni Public Works Secretary Vince Dizon.
Isa aniya ito sa unang tatlong direktiba na ilalabas niya bilang bagong hepe ng Department of Public Works and Highways (DPWH) sa isang press briefing.
Sinabi rin ni Dizon na ipag-uutos niya ang “sweeping revamp” ng Philippine Contractors Accreditation Board.
Bukod dito, inanunsyo ni Dizon na ipag-uutos ang courtesy resignation ng lahat ng DPWH officials mula taas hanggang ibaba.
Kabilang rito ang mga undersecretaries, assistant secretaries, division heads, regional directors at district engineers sa lahat ng DPWH offices nationwide. Jocelyn Tabangcura-Domenden
