MANILA, Philippines – Pinaiimbestigahan na ni Justice Sec. Jesus Crispin Remulla ang pahayag ni Davao del Norte Cong. Pantaleon Alvarez na nananawagan sa Armed Forces of the Philippines at Philippine National Police na bawiin na ang suporta kay Pangulong Ferdinand Marcos Jr.
Ayon kay Remulla, aalamin nila kung pasok sa sedition o rebelyon ang pahayag na ito ng kongresista.
“I have ordered an investigation on the statements of Congressman Pantaleon Alvarez to determine whether it has risen to the level of Sedition, Inciting to Sedition or even Rebellion,” ani Remulla.
Sinabi ng kalihim na bilang isang dating mambabatas, dapat umakto si Alvarez ng may pinakamataas na standards of ethics, moralidad, at pagiging makabansa.
Pinayuhan rin nya si Alvarez na iwasang magsalita ng mga pahayag a maituturing na unbecoming bilang myembro ng Kamara.
“As a former lawmaker myself, I would like to remind Congressman Alvarez to act in accordance to the highest standards of ethics, morality and nationalism, and avoid remarks unbecoming of a member of the House of Representatives.” Teresa Tavares
