Home NATIONWIDE Kooperasyon sa pangangalaga sa kalikasan, climate efforts palalakasin ng ng PH, UK

Kooperasyon sa pangangalaga sa kalikasan, climate efforts palalakasin ng ng PH, UK

1
0

MANILA, Philippines – Palalakasin ng Pilipinas at United Kingdom ang mga hakbang para maprotektahan ang kalikasan at tugunan ang climate change kasabay ng pagpondo sa nature conservation projects, ayon sa Department of Environment and Natural Resources (DENR).

Nakipagkita si UK Special Representative for Nature Ruth Davis kay Environment Secretary Juan Miguel Cuna at iba pang opisyal ng DENR sa bilateral talks para pag-usapan ang posibleng areas of collaboration.

Ani Davis, kailangan ng dalawang bansa na kumilos para sa pilot projects at makuha ang kinakailangang pondo para sa mangrove protection, restoration, at iba pang nature-based solutions.

“The challenge for all of us is how we move beyond individual pilots and unlock the kind of financing needed to scale up mangrove protection, restoration, and other nature-based solutions,” sinabi pa ni Davis.

Nagpahayag din ito ng interes na magkaroon ng British marine science organizations na makikipagtulungan sa kanilang Philippine counterparts.

Malugod namang tinanggap ni Cuna ang proposed partnership at sinabing ang nagpapatuloy na domestic efforts ay magtatatag ng marine research stations at magpapalakas sa local scientific capabilities.

“Our priority is to ensure that environmental protection delivers tangible benefits for communities while supporting resilient and sustainable development,” sinabi ni Cuna.

Pinabibilis din ng Pilipinas ang National Blue Carbon Action Partnership, na sinusuportahan ng Blue Planet Fund ng UK.

Kabilang sa inisyatibong ito ang blue carbon mapping, carbon-stock assessments at pagbuo ng Blue Carbon Public Finance Roadmap bilang gabay sa sustainable investments. RNT/JGC

LEAVE A REPLY

Please enter your comment!
Please enter your name here