MANILA, Philippines – Nais bumalik ni Senate President Pro Tempore Panfilo “Ping” Lacson sa Pag-asa Island sa Kalayaan, Palawan.
Ito ay kasunod ng mainitang diskusyon sa pagitan ng mga miyembro ng Senado at Chinese Embassy sa Manila kaugnay sa pagdepensa ng Pilipinas sa national sovereignty at maritime rights.
“If there’s an airplane that would fly me there, I’d like to go there.”
Matatandaan na nauna nang dinipensahan ni Interior Secretary Jonvic Remulla ang 16 local officials ng Kalayaan na pinagbawalan ng Chinese Embassy na pumasok sa kanilang bansa.
“As long as there is no session in the Senate because I don’t want to be absent. If there’s no work in the Senate, I’m willing to join,” sagot ni Lacson nang tanungin kung sasamahan nito si Remulla.
Huling bumisita si Lacson sa Pag-asa Island noong 2021.
Aniya, sa naging pagbisita niya ay nakita nito ang mga kakulangan sa imprastruktura sa isla partikular na sa edukasyon.
“I think it’s incumbent upon us, especially the Armed Forces, to protect and defend Pag-asa from either intrusion and, worst scenario, invasion,” giit ni Lacson. RNT/JGC
