COTABATO CITY, Philippines – Patay ang isang umano’y miyembro ng Islamist militant Dawlah Islamiya Group sa isinagawang drug buy-bust operation sa Barangay Sapakan, Rajah Buayan bayan ng Maguindanao del Sur, dakong alas-4:00 ng hapon noong Lunes.
Sinabi ni Captain Joel Lebrilla, hepe ng pulisya ng Rajah Buayan, na ang suspek na si Moner Usman, residente ng Darampua village sa kalapit na bayan ng Sultan Sa Barongis, ay pinaghihinalaang miyembro ng Daulah Islamiyah Hassan Group at may nakabinbing warrant of arrest.
Ayon kay Lebrilla, magsasagawa na sana ng operasyon ang mga tauhan ng Rajah Buayan police, Special Action Force (SAF), at iba pang unit ng Provincial Police Office (PPO) ng Maguindanao del Sur nang maramdaman ng suspek na nakikipagtransaksyon siya sa mga pulis, dahilan para manlaban siya.
Siya ay napatay nang mabaril sa palitan ng putukan, habang isang miyembro ng SAF ang nagtamo ng mga pinsala.
Narekober ng mga awtoridad ang isang baril, mga bala, at isang sachet ng iligal na droga.
Si Usman ay mayroong anim na standing warrant of arrest—dalawang counts ng murder, isang count ng carnapping, at tatlong counts ng frustrated murder.
Siya rin ay tinaguriang most wanted person ng Isulan municipal police station at isa sa top three most wanted persons ng Sultan Kudarat provincial police office.
Ang sugatang pulis ay nagpapagaling ngayon sa isang ospital. RNT/MND
