ILOCOS NORTE- Isa nang malamig na bangkay ang isang 54-anyos na lalaki nang matagpuan sa loob ng irrigation canal sa Brgy #13 San Eugenio, San Nicolas ng lalawigang ito kahapon ng umaga.
Ayon sa pulisya, ang biktima ay residente ng naturang lugar.
Bandang alas-6:47 ng umaga kahapon ay nakatanggap ang San Nicolas Municipal Police Station ng impormasyon tungkol sa nadiskubreng bangkay.
Agad namang rumesponde ang mga awtoridad sa naturang lugar.
Ang biktima ay natagpuan doon mismo sa loob ng irrigation canal sa harapan ng bahay nito.
Sa pakikipag-usap ng mga awtoridad sa kapatid ng biktima, nabatid na ang biktima ay may sakit na epilepsy at madalas din umanong nakikitang nasa impluwensya ng alak. Rolando S. Gamoso
