MEMPHIS, Tenn. — Nasayang ang 39 points na ikinamada ni Los Angeles Lakers star LeBron James matapos silang tambakan ng Memphis Grizzlies sa iskor na 131-114 ngayong Miyerkules (Thursday PH time).
Nanguna sa panalo ng Grizzlies si Ja Morant na umiskor ng 20 puntos bago umalis sa third quarter na may right hamstring injury at ginamit ng Memphis Grizzlies ang kanilang 3-point shooting upang talunin ang Lakers.
Umiskor din ng tig-20 puntos ang rookie na si Jaylen Wells at Jaren Jackson Jr. para sa Grizzlies. Walang agarang salita sa lawak ng pinsala ni Morant.
Umambag para sa Lakers si Austin Reaves na may 19 points sa kabila ng 2 para sa 9 mula sa 3-point range.
Naglaro ang Lakers nang walang starting center na si Anthony Davis, na dumaranas ng pananakit ng kaliwang paa habang wala rin si Rui Hachimura dahil may sakit kaya si Dalton Knect ang pumalit sa kanya sa rotation.
Samantala, absent din si Grizzlies coach Taylor Jenkins dahil sa pagkamatay ng pamilya kaya pinangunahan ni Assistant coach Tuomas Iisalo ang koponan.
Nang wala si Davis, nawawalan ang Los Angeles ng 32.6 puntos at 11.6 rebounds sa isang laro at dominanteng puwersa sa gitna.
Sinubukan ni James na makabawi sa scoring ngunit kaunti lang ang naitulong.
Nakatulong sa Grizzlies ang kawalan ni Davis sa gitna upang mapanatili sa kanilang average na 60 puntos sa pintura.
Humawak ang Memphis ng 72-68 lead sa ikatlong quarter nang ang reserbang Jay Huff, isang 7-foot-1 center, ay kumonekta sa tatlong magkasunod na 3-pointers, pagkatapos ay tinapos ang run off ng isang offensive rebound na humahantong sa isang reverse dunk.
Nakuha ng rally ang kalamangan ng Grizzlies sa 85-71.
Wala sa alinmang koponan ang nagtangka ng maraming 3-pointer kumpara sa natitirang bahagi ng liga, ngunit ang Memphis ay nag-shoot ng 48% mula sa labas ng arko sa midway point ng fourth period. Samantala, ang Lakers ay natigil sa 25%.
Sunod na haharapin ng Lakers sa kanilang bahay ang Philadelphia sa Biyernes habang ang Grizzlies ay nagho-host ng Washington.
