Home NATIONWIDE Legal action vs Bestlink pinaghahandaan ng QC LGU

Legal action vs Bestlink pinaghahandaan ng QC LGU

MANILA, Philippines – Ikinokonsidera ng Quezon City government ang paghahain ng legal na aksyon laban sa Bestlink College of the Philippines dahil sa pagkabigo umano ng paaralan na siguruhin ang kaligtasan ng kanilang mga estudyante.

Ito ay kasunod ng naging isyu sa foundation day ng paaralan na isinagawa pa sa probinsya ng Bataan na nagresulta sa pagkahilo at pagkakasakit ng ilang estudyante.

Sa pahayag nitong Miyerkules, Pebrero 5, sinabi ng Quezon City LGU na ito ay “now studying legal options to hold the institution accountable while exploring policy measures to regulate large student activities, particularly those requiring travel outside the city.”

Tinukoy nito ang “serious lapses in student safety” sa off-campus foundation day activity ng Bestlink sa Hermosa noong Enero 26.

“The proposed guidelines will enforce stricter safety protocols, ensure better coordination with local authorities, and require institutional accountability for student welfare.”

Nauna nang nagsabi ang Bestlink College na gawa-gawa lamang umano ang mga balita na kinailangang maglakad ng ilang oras ng kanilang mga estudyante.

Handa rin ang paaralan na magsagawa ng independent fact-finding probe kasama ang Hermosa local government upang lumabas ang katotohanan sa insidente.

Sinita naman ni Quezon City Mayor Joy Belmonte ang Bestlink College sa pagbabalewala sa mga hinaing ng mga estudyante.

“It is both irresponsible and insensitive for Bestlink College of the Philippines to dismiss students’ legitimate concerns as fake news. This incident could have been avoided had they prioritized the safety and welfare of their students,” ani Belmonte.

“I urge the school administration to hold themselves accountable instead of blaming and threatening students who dared to speak up,” dagdag pa niya.

“The city will continue to take all necessary legal and policy measures to ensure accountability and protect students from future safety lapses.”

Nanawagan din ang mga opisyal ng lungsod sa Commission on Higher Education (CHED) na suriin nito ang mga polisiya sa non-curricular activities, lalo na ang may malalaking bilang ng mga estudyanteng dumadalo.

Nauna nang naglabas ng show-cause order ang CHED laban sa Bestlink. RNT/JGC