MANILA, Philippines – Inaasahang libu-libong deboto ang makikiisa sa Pista ng Sto. Niño de Tondo mula Enero 16 hanggang 18, 2026, na tampok ang tatlong araw ng misa at prusisyon.
Magsisimula ang selebrasyon sa Enero 16 sa Ante-Visperas na may mga misa mula 6 a.m. hanggang 7 p.m. Sa Enero 17, kabilang sa Visperas Mayores ang mga misa mula 6 a.m. hanggang 9 a.m. at ang Pilgrimage Procession (Prusisyon ng Lakbayaw) sa ganap na 7 a.m., at magpapatuloy ang mga aktibidad hanggang 11 p.m.
Magwawakas ang pista sa Enero 18 na may tuloy-tuloy na misa mula hatinggabi hanggang 11 p.m., Dawn Procession sa 4 a.m., at Evening Procession sa 7 p.m.
Magsasagawa ang pamahalaang lungsod ng Maynila ng paglilinis at flushing sa paligid ng Minor Basilica at National Shrine of Saint Niño de Tondo.
Magde-deploy ang Manila Police District (MPD) ng mga tauhan upang pamahalaan ang dami ng tao at tiyakin ang kaligtasan ng deboto at residente.
Pinapayuhan ang publiko na maging disiplinado, itapon nang maayos ang basura, at sundin ang mga patakaran para sa maayos at makabuluhang selebrasyon. RNT
