MANILA, Philippines – Iginiit ni private prosecutor Amando Ligutan nitong Miyerkules, Agosto 26, na ang kanyang social media post tungkol sa misleading questions kasabay ng impeachment trial ay hindi personal at patungkol lamang sa batas na dapat sundin ng mga abogado.
Sa ika-19 na araw ng impeachment trial ni Vice President Sara Duterte, ipinaliwanag ni Ligutan na bilang guro ng halos 20 taon, naramdaman niya ang pangangailangan na itama ang pinaniniwalaan niyang pagkakamali.
“Why post it on Facebook? Your honors, why not? Yes, I am a lawyer, but more than just a lawyer, first and foremost, I am a teacher,” sinabi ni Ligutan.
“Ang pagtuturo, ang pagtatama ng mali, ay walang pinipiling lugar at walang pinipiling panahon. That’s why I made that post—I was concerned that a statement made in open court that misleading questions are allowed will go unchecked. My teacher’s instinct kicked in,” dagdag pa.
Sinabi rin ni Ligutan sa depensa, partikular na kay Atty. Kristine Ferrer, na ang “post is not about you.”
“It’s not personal; it is about the law that we all adhere to. It is about what we teach the public who are watching our trial,” pagpapatuloy ni Ligutan.
“Correcting a mistake is never wrong. Doing it while a hearing is ongoing online does not make it not right. Ang pagtatama ng mali ay hindi kailanman ipinagbabawal, kahit sa loob ng impeachment court na ito.”
Ang tinutukoy ni Ligutan ay ang kanyang Facebook post noong Agosto 12 na: “A principle all lawyers and law students know by heart: Misleading questions are not allowed even on cross-examination.”
Ito ay nailathala sa kanyang social media account matapos ang sagutan nina Ferrer at private prosecutor Lorna Kapunan sa limitasyon sa cross-examination, partikular na ang patungkol sa pagtatanong ng misleading questions.
Kinondena naman ng lead counsel ni Duterte na si Sheila Sison ang social media post ni Ligutan patungkol sa misleading questions habang nagpapatuloy ang paglilitis.
Bilang tugon ay sinabi ni Ligutan na walang malisyosong intensyon patungkol dito.
Sinita naman ni Senate impeachment court presiding officer Francis Escudero sina Ferrer at Kapunan at sinabing magpigil sa mga pananalita at hindi dapat magkaroon ng tensyon sa umano’y generational gap sa paglilitis.
Kasunod ng manipestasyon ni Ligutan nitong Miyerkules, naglabas ng ruling si Escudero na nagbabawal sa senator-judges, maging sa counsel ng prosekusyon at depensa na magsalita sa merito ng impeachment case laban kay Duterte. RNT/JGC
