MANILA, Philippines – Nag-isyu ang Department of Agriculture (DA) ng Department Circular No. 46 na pansamantalang nagbabawal sa pagpasok ng livestock mula sa 23 bansa kasunod ng outbreak ng foot-and-mouth disease (FMD), “to protect the health of the FMD-susceptible animal population.”
Sakop ng import suspension ang Vietnam, Cambodia, Algeria, Burkina Faso, Chad, Comoros, Cote d’Ivoire, Eritrea, Eswatini, Gambia, Guinea, Jordan, Kenya, Malaysia, Mali, Mozambique, Nigeria, Sierra Leone, Sudan, Tanzania, Tunisia, Uganda at Zambia.
Ipinagbabawal na makapasok sa bansa ang skeletal muscle meat, casings, tallow, hooves at horns, maging ang live swine, bovines at water buffaloes (family Suidae, family Bovidae, family Cervidae), kabilang ang semen nito.
Pinapayagan naman ang ibang commodity types dahil ang mga ito ay safe commodities sa ilalim ng Terrestrial Animal Health Code ng World Organisation for Animal Health (WOAH).
Ang mga ito ay ang ultra-high temperature milk at derivatives, heat-treated meat products in a hermetically sealed container, protein meal, gelatine, limed hides, pickled pelts at semiprocessed leather. RNT/JGC
