MANILA, Philippines – Gagawing simple ni Senador Francis “Kiko” Pangilinan ang loan requirements ng magsasaka at mangingisda na humihingi ng tulong pinansiyal sa pamahalaan upang mapadali at mapagaan ang kanilang pinapasan.
Sa pahayag, sinabi ni Pangilinan na dapat aktibong gampanan ng local government units (LGUs) ang Department of Agriculture (DA) ang pagtulong sa manggagawa sa kanayunan na makakuha ng pautang at iproseso ang kanilang dokumento nang madali partikular sa panahon ng kalamidad at kagipitan.
“Dapat sila [farmers and fisherfolk] ang unang sinusuportahan at kung kailangan mabawasan yung mga requirements, ‘yun bubusisiin din natin,” ani Pangilinan.
Aniya, maraming magsasaka at mangingisda na napag-iiwanan sa usaping pinansiyal kahit pangunahing contributor sila sa pagsusuplay ng pagkain.
“We must make it easy for our agricultural workers to access capital, so they can grow their businesses and help the nation achieve food security,” aniya.
Sinabi pa ni Pangilinan na kasalukuyan nitong nirerebyu ang iba pang posibleng reporma sa agricultural loan policies ng gobyerno kabilang ang mas mabilis na pag-aapruba, mas flexible repayment schemes, higher credit ceilings sa performing borrowers, at specialized support sa kababaihan at kabataan sa sektor ng agrikultura.
“The planned reforms align with Republic Act 11321 or the Sagip Saka Act, which Pangilinan authored to promote inclusive and enterprise-driven development in the farming and fisheries sectors,” ayon sa senador.
“The law allows national and local governments to directly procure produce from accredited farmers and fisherfolk, helping ensure income stability and market access, dagdag ng senador. Ernie Reyes
