Home NATIONWIDE Lokal na tela gagamitin ng DOST, AFP sa pag-develop ng combat uniforms

Lokal na tela gagamitin ng DOST, AFP sa pag-develop ng combat uniforms

MANILA, Philippines- Magsasama ang Armed Forces of the Philippines (AFP) at ang Department of Science and Technology-Philippine Textile Research Institute (DOST-PTRI) para makapag-produce ng battle dress uniforms (BDUs) gamit ang locally sourced textile fabrics.

Sa 2025 National Textile Convention, sinabi ni Colonel Isaklolo Deroy Jr. ng Office of the Quartermaster General ng AFP na nagsasagawa ang DOST-PTRI ng market research para tiyakin na mami-meet ng mga uniporme ang international standards.

“We have an existing memorandum of agreement with the DOST-PTRI to develop our battle dress uniform worn by every soldier of the Armed Forces of the Philippines, and it will contain tropical fabric,” ayon kay Deroy.

Binigyang-diin ni Deroy na ang uniporme ay dapat na water-repellent, fire-retardant, at panlaban sa dumi, kahalintulad sa mga ginagamit ng modern armies sa buong mundo.

Prayoridad ng pagsasaliksik ang ‘durability, malleability, at comfort’ para sa mga sundalo.

Bilang pagtalima sa Republic Act 9242, layon ng AFP at DOST na pagsamahin ang local fibers gaya ng abaca, saging, at pinya para maging uniporme.

“In support of the Republic Act 9242, the higher-ups of the armed forces issued a policy directive to all our procuring entities to incorporate for all the uniforms being worn by the armed forces, to include at least 5% of local tropical fibers such as abaca, banana or pineapple… and for fibers like local silk, it should contain 15% by weight,” aniya pa rin.

Sa kabilang dako, sinabi ni DOST-PTRI Director Dr. Julius Leaño na ang partnership ay magde-develop din ng camouflage patterns customized para sa Philippine landscape.

“Our terrain is unique to us… Bakit tayo magsusuot ng brown? Makikita ka talaga kasi green yung background mo. All of those considerations… Hindi lang ito science lang,” ang paliwanag ni Leaño.

Samantala, inaanalisa namang mabuti ng grupo ang mga larawan ng operational areas para idetermina ang optimal color at pixel size para sa camouflage pattern. Ang disenyo ay sumailalim sa mahigpit na pagsusuri para masiguro na mami-meet nito ang military standards.

Ang proyekto ay nananatili pa rin na nasa prototype phase, at sa lalong madaling panahon ay nasa field testing plan. Kris Jose