PANGASINAN- Tigok ang isang 63-anyos na lolo matapos na mabangga ng Toyota Hi-ace ang minamaneho nitong motorized Garong sa Brgy. Eguia, Dasol ng lalawigang ito kahapon, Setyembre 8.
Ayon sa pulisya, ang driver ng Garong ay residente ng Brgy. Bobonot ng naturang bayan samantalang ang 39-anyos na driver ng Toyota Hi-ace ay residente ng Brgy. Gais-Guipe, Dasol, Pangasinan.
Naghahanda para kumaliwa papasok sa national road galing ng kanluran ang Garong nang mabangga ng Toyota Hi-ace na papunta ng hilagang direksyon.
Nagtamo ng sugat sa iba’t ibang parte ng kanyang katawan ang driver ng Garong na agad na dinala sa Dasol Community Hospital.
Gayunman, ang driver ng Garong ay idineklarang dead-on-arrival ng umatending doktor. ROLANDO S. GAMOSO
