MANILA, Philippines – Isang low-pressure area (LPA) na nasa 1,765 kilometro silangan ng hilagang-silangan ng Mindanao ay maaaring maging tropical depression sa loob ng 24 hanggang 48 oras, ayon sa PAGASA nitong Miyerkules. Kapag pumasok sa Philippine Area of Responsibility (PAR), bibigyan ito ng pangalang Ramil.
Ayon kay PAGASA weather specialist Chenel Dominguez, maaaring lumapit ang bagyong ito sa Hilagang Luzon at magdulot ng ulan sa malaking bahagi ng Luzon pagsapit ng weekend, ngunit maaaring magbago pa ang landas nito. Pinayuhan ng ahensya ang publiko na manatiling updated sa mga abiso.
Samantala, mananatili ang easterlies at northeasterly windflow, na magdudulot ng maulap na kalangitan na may pag-ulan at thunderstorms sa Metro Manila, Calabarzon, Bicol, Eastern Visayas, ilang bahagi ng Luzon, Visayas, at Mindanao.
Nagbabala ang PAGASA tungkol sa posibleng flash floods at landslides, lalo na sa panahon ng malakas na pag-ulan. RNT
