MANILA, Philippines – May libreng sakay na handog ang Light Rail Transit 2 o LRT-2 sa lahat ng kababaihang pasahero sa Sabado, Marso 8 bilang bahagi ng selebrasyon ng Women’s Day.
Magsisimula ang libreng sakay alas-7 ng umaga hanggang alas-9 ng umaga at alas-5 ng hapon hanggang alas-7 ng gabi sa lahat ng LRT-2 stations.
Mayroon ding libreng gupit sa 30 kababaihang pasahero sa piling LRT-2 stations sa mga sumusunod na mga petsa.
Marc 12-Antipolo Station
March 19 – Cubao Station
March 26 – Recto Station
Magbibigay din ng rosas o bulaklak ang pamunuan ng LRT-2 sa mga kababaihang pasahero sa Antipolo Stations sa Marso 5.
Bukod dito, narito ang iba pang mga pribilehiyo na maaaring mapakinabangan ng kababaihang Pilipino ngayong Women’s Month:
*Priority lane sa National Museum sa lahat ng Biyernes ng Marso
*Libreng pag-iisyu ng mga dokumento sa rehistrasyon ng sibil para sa unang 100 babaeng nakikipagtransaksyon sa lahat ng outlet ng Philippine Statistics Authority CRS sa Metro Manila (Marso 3,10, 24, 27)
*Libreng pagpasok sa Ninoy Aquino Parks and Wildlife Center (Marso 8)
*Espesyal na priority lane para sa mga babaeng kliyente sa Department of Environment and Natural Resources CENRO Olongapo City (Marso 3-7)
*Pamimigay ng seedlings at priority lane sa mga babaeng kliyente ng DENR PENRO Rizal (Marso 1-31). Jocelyn Tabangcura-Domenden
