MANILA, Philippines — Inanunsyo ng Land Transportation Franchising and Regulatory Board (LTFRB) nitong Miyerkules na sisimulan na sa Disyembre 19, sa halip na Disyembre 17, ang cap sa surge pricing para sa Transport Network Vehicle Service (TNVS) matapos humiling ang mga ride-hailing company ng karagdagang oras para ayusin ang kanilang sistema.
“We understand the concerns raised by the TNCs and on the part of the LTFRB. Madali din naman kaming kausap lalo na kung valid naman mga reasons na binigay,” ani LTFRB Chair Vigor D. Mendoza II.
Dagdag pa niya, kailangan ang dagdag na oras para matapos ang system configuration at maipaalam sa lahat ng apektadong driver at stakeholders.
Humiling ang Grab Philippines ng postponement para sa “technology configuration” upang masiguro ang tama at sumusunod na pagpapatupad ng revised surge pricing cap. Santi Celario
