UNITED STATES – Patay ang dalawang magkapatid na Filipino at dalawa iba pa sa pamamaril sa Lancaster, California.
Itinumba ang magkapatid na sina Janvi Maquindang at Christine Asa-Ca, kasama ang fiancé ni Asa-Ca na si Edwin Garcia.
Patay din sa pamamaril ang tatlong aso.
Bagama’t naunang idineklarang nasawi on the spot ang tatlong biktima, nadala pa sa ospital ang partner ni Maquindang na si Matthew Montebello ngunit namatay din kalaunan.
Rumesponde ang mga awtoridad kasama ang mga bumbero na umapula naman sa sunog sa naturang tirahan ng mga biktima.
Hindi pa inilalabas ang detalye tungkol sa motibo ng pamamaril maging ang mga suspek sa krimen. RNT/JGC
