MANILA, Philippines – Iniutos ng Philippine National Police (PNP) ang masusing imbestigasyon sa ambush sa Shariff Aguak Mayor Akmad Mitra Ampatuan noong Linggo, Enero 25, na naging viral matapos makita sa CCTV ang isa sa mga salarin na may dalang rocket-propelled grenade (RPG).
Ayon kay acting PNP chief Lt. Gen. Jose Melencio C. Nartatez, Jr., inatasan na ang Police Regional Office-Bangsamoro Autonomous Region (PRO-BAR) na bumuo ng special investigation task group upang tukuyin ang lahat ng responsable—mula sa mga mastermind hanggang sa mga gumamit ng armas.
Nakaligtas si Ampatuan sa atake ngunit dalawang security escort niya ang nasugatan. Ayon sa ulat, napatay ng pulisya ang apat na gunmen sa hot pursuit sa national highway. Ang mga suspek ay sakay ng puting Suzuki minivan (KAO-9462) at may dala ng high-powered firearms.
Iniutos din ni Nartatez sa lahat ng police commanders sa probinsya at karatig lugar na higpitan ang kampanya laban sa loose firearms upang maiwasan ang katulad na insidente.
“The Philippine National Police reiterates its firm stance against political violence. We will not tolerate attempts to intimidate or harm public officials, and we will ensure that justice is served,” ayon kay Nartatez. RNT/MND
