ARESTADO ang dalawang suspek na high value individual (HVI) sa isinagawang drug buy bust operation sa parking lot ng isang mall sa Lunsod ng Taguig.
Kinilala ni Southern Police District Director P/ Brig. General Bernard Yang ang naarestong dalawang suspek na sina alyas Alvin at alyas Miracle .
Sa tulong ng iba pang law enforcement agencies kagaya ng PDEA napakagat ng District Drug Enforcement Unit ng Southern Police District sa pain ang dalawang suspek , at nakumpiska sa kanila ang 600 gramo ng hinihinalang shabu na tinatayang may market value na P4,080,000.00.
Narekober sa dalawang suspek ang buy bust money na ginamit sa operasyon at nakumpiska naman ang 9mm na baril at magazine na kargado ng bala sa suspek na si Alvin .
Sasampahan ng kaso sa Taguig prosecutors office ang dalawang suspek sa paglapag sa Republic Act 9165 o Dangerous Drugs Act of 2002.
Dagdag dito ay may kakaharaping kaso si Alyas Alvin na paglabag sa Republic Act 10591 matapos makuhanan ng baril.
Kapuri-puri naman kay Gen. Yang ang mga police operatives sa matagumpay na operasyon sa pag-aresto sa mga suspek.
“Hindi titigil ang Pulisya para mahinto na ang paggamit ng ipinagbabawal na droga.” (Dave Baluyot)
