Home NATIONWIDE Mas malalim na kooperasyon sa Pinas sa seguridad, global affairs target ng...

Mas malalim na kooperasyon sa Pinas sa seguridad, global affairs target ng Japan

MANILA, Philippines- Inihirit ng Japan nitong Miyerkules ang mas maigting na kooperasyon sa Pilipinas, partikular sa seguridad at global affairs.

Ito ay sa isinagawang courtesy call ni Japanese Foreign Minister Takeshi Iwaya kay Pangulong Ferdinand “Bongbong” Marcos Jr. sa Malacañang Palace.

“I would like to ask for Your Excellency’s continued support in strengthening cooperation between Japan and the Philippines on security issues and other global affairs,” ani Iwaya kay Marcos.

Inihayag ng foreign minister ng Japan ang pasasalamat sa mainit na pagsalubong sa kanya at  ipinahatid ang pagbati ni Prime Minister Shigeru Ishiba sa Philippine government.

“I think that it is good that we continue these discussions and also I hope that we would be able to have a chance for the Philippines to explain and to show what has been done in terms of agreement since the signing of the tripartite agreement,” ayon naman kay Pangulong Marcos.

Gayundin, pinagtibay ni Marcos ang commitment ng Pilipinas sa pagpapalakas sa economic ties sa Japan para sa mutual prosperity.

Nauna nang nakipagpulong si Iwaya sa kanyang Filipino counterpart na si Enrique Manalo.

Sa nasabing pulong, ipinanawagan ng Japan ang pagpapahupa ng tensyon sa gitna ng aksyon ng China sa South China Sea, na saklaw ang exclusive economic zone ng Pilipinas.

“Actions that escalate tensions in the South China Sea are a genuine concern for the international community because they are directly connected to regional peace and stability. Japan firmly opposes any efforts to unilaterally alter the status quo through force or to escalate tensions in the area, and we earnestly call for the reduction of tensions,” pahayag ni Iwaya. RNT/SA