MANILA, Philippines – Niyanig ng magnitude 4.6 na lindol ang probinsya ng Masbate nitong Miyerkules ng gabi, Pebrero 4.
Naitala ang epicenter nito siyam na kilometro hilagang kanluran ng Cataingan, ayon sa Philippine Institute of Volcanology and Seismology (Phivolcs).
Ang lindol na tumama 9:14 ng gabi ay naramdaman sa Intensity II sa Legazpi City, Albay; Milagros, Masbate, at Kawayan, Biliran; at Intensity I naman sa Aroroy at Batuan, Masbate; Palapag, Northern Samar; Gandara, Samar; Sorsogon City at Donsol, Sorsogon province.
Tectonic in origin ang lindol at may lalim na 10 kilometro. RNT/JGC
