Home HOME BANNER STORY Mayor Guo posibleng kasuhan ng reklamong human trafficking – PAOCC exec

Mayor Guo posibleng kasuhan ng reklamong human trafficking – PAOCC exec

MANILA, Philippines – Posibleng maharap sa reklamong human trafficking si suspended Bamban, Tarlac mayor Alice Guo, sinabi ng opisyal mula sa Presidential Anti-Organized Crime Commission (PAOCC).

Ipinaliwanag ni PAOCC spokesperson Winston Casio na posibleng may pananagutan si Guo sa krimen dahil mayroon itong partial ownership ng mga ari-arian kung saan nagaganap ang umano’y human trafficking activities.

“We are very confident that we will be able to file human trafficking charges against the embattled Mayor of Bamban. Now, we have also been viewing other possible charges in relation to money laundering as well as other charges that – either minor charges so to speak,” ani Casio sa panayam ng ANC nitong Lunes, Hunyo 17.

“For sure, by this week, we will be able to file human trafficking charges against Guo and her co-conspirators,” dagdag pa niya.

Tinukoy ni Casio ang probisyon ng anti-human trafficking law kung saan pinaparusahan ang mga may-ari ng gusali o ari-arian na pumapayag na magamit para sa human trafficking.

Kamakailan ay sinabi ni Guo na ibinenta niya ang kanyang share sa Baofu Land, ang ari-arian sa Tarlac na nilusob ng mga awtoridad kung saan matatagpuan ang illegal na Philippine offshore gaming operator (Pogo) na tinukoy bilang Zun Yuan Technology Inc. noong Marso.

Ani Casio, bagama’t posibleng sabihin ni Guo na ibinenta niya ang share ng Baofu Land bago tumakbong alkalde noong 2022, may pananagutan pa rin ito dahil siya ang pumirma ng off on lease contracts sa pagitan ng Zun Yuan Technology Inc. at Baofu Land. RNT/JGC