NANUMPA na bilang bagong kasapi ng Lakas–Christian Muslim Democrats (CMD) si Manila Mayor Maria Sheilah “Honey” Lacuna-Pangan nitong Martes.
Pinangunahan ni House Speaker Martin Romualdez, Presidente ng Lakas-CMD, ang Oathtaking ceremony ni Mayor Lacuna kung saan sinamahan ito nina Manila Vice Mayor Yul Servo-Nieto, 2nd District Congressman Rolan Valeriano, 3rd Dist. Cong. Joel Chua, 4th Dist. Cong. Edward Maceda, 5th Dist. Cong. Irwin Tieng, at 6th Dist. Cong. Benny Abante.
Matatandaan na dating nasa partido ng Aksyon Demokratiko si Mayor Lacuna kung saan nagsilbi ito bilang Vice-President for Internal Affairs habang ang dati nitong ka-tandem na si dating Manila Mayor at Presidential candidate na si Isko Moreno Domagoso ang nagsisilbing Presidente ng nasabing partido.
Nabatid kay Aksyon Demokratiko Chairman Ernest Ramel Jr. na bumitiw si Mayor Lacuna sa kanilang partido nito lamang nakaraang linggo. JAY Reyes
