AGUSAN DEL NORTE, Philippines – Naaresto ng Criminal Investigation and Detection Group (CIDG) ang isang 26-anyos na babaeng medical officer ng New People’s Army (NPA) sa Butuan City, Agusan del Norte, ayon kay CIDG Director Maj. Gen. Robert AA Morico II.
Ayon kay Morico, haharap ang suspek sa mga kasong paglabag sa ilang probisyon ng Republic Act No. 9851, o ang Act on Crimes Against International Humanitarian Law, Genocide, and Other Crimes Against Humanity.
“The successful operation is part of our effort to hunt down wanted fugitives,” ani Morico, na idinagdag na nangyari ang aresto noong Disyembre 23 sa Barangay Bancasi.
Ang suspek ay kasapi ng Medical Unit ng Sandatahang Digma Group Samsung, Guerrilla Front Huawei, Sub-Regional Committee 1 (SR-1), North Central Mindanao Regional Committee (NCMRC), at nakalista sa military’s Periodic Status Report (PSR).
Ayon sa ulat ng background, umano’y sangkot ang suspek sa ilang mararahas na gawain sa Claveria, Farmbugas, at Lagonglong, Misamis Oriental, kabilang ang pagsunog ng dalawang ten-wheeler trucks ng Del Monte Philippines noong 2017. RNT/MND
