Mendiola mahigpit na binakuran ng kapulisan

MANILA, Philippines – Naharang ng mga kapulisan ng Manila Police District ang mga raliyista na binalak magkilos-protesta sa Mendiola.

Bagama’t hindi nakalapit ang grupong kabilang sa sektor ng agrikultura sa Mendiola, tinapos na lamang nila ang kanilang programa malapit sa Quezon Boulevard.

Muling iginiit ng MPD na ipinagbabawal ang pagkakasa ng kilos protesta sa Mendiola, at sa mga freedom parks lamang ito dapat isagawa.

Kaugnay nito, mananatili ang tauhan ng MPD katuwang ang force multipliers sa pagbabantay sa Mendiola hanggang sa matapos ang ikatlong State of the Nation Address ni Pangulong Marcos Jr. RNT