MANILA, Philippines – NASAWI ang isang 15-anyos na dalagita nang masagi ng isang Mitsubshi L300 habang nagpapalipas ng oras sa kalsada sa Brgy. Tabon 1, Kawit, Cavite.
Isinugod pa sa Kalayaan Hospital ang biktima na si Katrice ng Villa Ramirez, residente sa nasabing lugar subalit namatay habang ginagamot sa pagamutan.
Hawak na rin ng pulisya ang drayber ng isang
Mitsubishi L300 na may plakang NFJ3387 na nakarehistro sa Rizhle Construction and Development Corp. na si Jose Rey Blanca, 23, ng Brgy. Mailum, Bago City, Negros Occidental.
Sa ulat, bandang alas-10:00 kamakalawa ng gabi nang naganap ang insidente sa kahabaan ng Toclong Road, Brgy. Tabon I, Kawit, Cavite kung saan nakatambay sa nasabing lugar ang biktima nang nasagi siya ng Mitsubishi L300 nang dumaan at umikot sa nasabing lugar.
Nakatakdang sampahan ng kaso ang driver ng naturang sasakyan. Margie Bautista
