MANILA, Philippines – Ang Meralco ay magpapatupad ng ₱0.4883/kWh na dagdag-singil sa kuryente ngayong Hulyo, bunsod ng pagtaas ng generation charge dulot ng mahal na langis sa pandaigdigang merkado at paghina ng piso.
Ayon sa abiso ng Meralco nitong Biyernes, tataas ang kabuuang residential rate sa ₱12.6435/kWh mula ₱12.1552/kWh noong Hunyo.
Kasunod ito ng dalawang buwang sunod na rollback na may kabuuang bawas na ₱0.8575/kWh.
Tinatayang ₱98 ang madadagdag sa bill ng pamilyang kumukonsumo ng 200 kWh ngayong buwan. RNT
