MANILA, Philippines – NAGTALAGA si Pangulong Ferdinand R. Marcos Jr. ng ilang opisyal sa iba’t ibang ahensiya at komisyon kabilang na ang mga senior officials ng Department of Education (DepEd).
Sa isang social media post, inihayag ng Presidential Communications Office (PCO) ang pagkakatalaga kina Peter Irving Corvera, Trygve Olaivar at Mel John Verzosa bilang mga Undersecretary, at Malcolm Garma bilang Assistant Secretary ng DepEd.
Itinalaga naman sina Urdujah Alvarado, Francesca Noelle Huang, at Amante Liberato bilang mga miyembro ng Career Executive Service Board; habang si Roberto Diciembre ay itinalaga bilang executive director ng Movie and Television Review and Classification Board.
Samantala, itinalaga naman si Teresita Mabunay bilang Provincial Agrarian Reform Program Officer II ng Department of Agrarian Reform, at maging sina Crispian Lao at Dwight Hilarion Ramos bilang mga miyembro ng Department of Environment and Natural Resources-National Solid Waste Management Commission.
Ang mga bagong appointees ay kinabibilangan pa rin nina Kenneth Cobonpue bilang Private Sector Representative of the Design Domain ng Department of Trade and Industry-Philippine Creative Industries Development Council; Crizaldo Nieves bilang Administrator III ng Office of Transportation Security; at Jose Mejia bilang miyembro ng Supreme Court ng Philippines-Judicial and Bar Council, kumakatawan sa pribadong sektor.
Gayundin, inanunsyo ng PCO ang pagkakatalaga kina Anastacia Notarte, Maria Eden Piadozo at Lilia Portales bilang mga miyembro ng Professional Regulatory Board of Agriculture ng Professional Regulation Commission (PRC). Kris Jose
