MANILA, Philippines – Target ng Commission on Elections (Comelec) sa kanilang voters education at registration fair series ang mga estudyante lalo na sa government colleges o universities, sinabi ng isang opisyal nitong Lunes, Mayo 6.
Sinabi ni Jason Orbita, Comelec-Negros Oriental communications focal person at concurrent election officer ng bayan ng Valencia na itinakda ang voters’ education sa Miyerkules sa Negros Oriental State University (NORSU).
Kaparehong aktibidad din ang isinagawa sa Siquijor State College sa kalapit na probinsya ng Siquijor kasama si Comelec chairman George Garcia.
Dadalo rin si Garcia sa NORSU activity at inaasahang magsasalita sa mga estudyante.
Karamihan sa mnga estudyante ay firt-time voters na kailangang maturuan ng kanilang karapatan sa pagboto at magkakaroon din ng onsite registration area para sa mga gustong magparehistro.
Sinabi pa ni Orbita na isa pang highlight ng aktibidad ay ang “Register Anywhere” program ng Comelec kung saan papayagang magparehistro ang mga mag-aaral na mula sa labas ng Negros Oriental. Jocelyn Tabangcura-Domenden
