MANILA, Philippines – Nagpaabot ng pangamba ang environmental groups sa proposed P26-billion waste-to-energy (WTE) project sa Smokey Mountain sa Tondo, Manila, na maaari pang magpalala ng kahirapan at panganib sa vulnerable communities sa lugar.
Ito ang inihayag ng mga grupo sa dialogue na inorganisa ng National Anti-Poverty Commission, kung saan mahigpit na tinutulan ng mga ito ang planong 100-megawatt waste-to-energy incineration facility.
Kinwestyon ng mga kritiko ang project proponent na Philippine Ecology Systems Corp. (PhilEco), at tinukoy ang mga umano’y environmental violations at bigong pagtugon ng kompanya sa mga isyung may kaugnayan sa Navotas landfill fire.
Sa pahayag, ibinabala ng Global Alliance for Incinerator Alternatives–Asia Pacific (GAIA Asia Pacific) na ang proyekto ay maaaring magkaroon ng seryosong economic at social consequences sa mga kalapit na komunidad.
“Local and international evidence is resoundingly clear that WtE incineration makes the poor poorer and drives cities into debt. What will happen to the tens of thousands of waste workers in Manila if all of the waste is used to feed the WtE facility?” sinabi ni Brex Arevalo of GAIA Asia Pacific.
Tinukoy din ng grupo ang 10 notices of violation na inisyu umano ng Environmental Management Bureau laban sa kompanya mula noong 2022.
Ang proposed facility sa Smokey Mountain ay planong sunugin ang mga basura at i-convert ito bilang kuryente.
Unang ipinanukala noong 2025, ang P26.648 bilyong proyekto ay inaasahang magpoproseso sa 3,000 tonelada ng solid waste araw-araw para maging kuryente.
“Solutions must be humane and rooted in the real needs and rights of affected communities. Reuse systems and renewable energy can help, and real renewable energy does not burn waste, depend on plastic, or endanger communities,” sinabi naman ni Eunille Santos ng Greenpeace.
Nanawagan din ang community leaders sa Smokey Mountain na itigil ang proyekto. RNT/JGC
