MANILA, Philippines – Ayon kay Bureau of Corrections (Bucor) Director General Gregorio Pio Catapang, ang mga nahatulang sangkot sa flood control cases ay ililipat sa Sablayan Prison and Penal Farm sa Occidental Mindoro.
Hindi papayagan ang kanilang paglipat sa New Bilibid Prison sa Muntinlupa dahil tuloy na ang decongestion program ng NBP.
Binigyang-diin ni Catapang na walang special treatment sa “supermax” facility sa Sablayan.
“Walang special treatment. Wala iyong mga passes, whatever, we want to make sure na hindi mauulit iyong sa previous administration kasi nakakahiya naman kung hindi sila maparusahan,” aniya.
Dagdag pa niya, nakakuha na rin ang Bucor ng 60 ektarya sa Palayan City, Nueva Ecija para sa unified penology at correction system bilang bahagi ng decongestion program. RNT/MND
