Mga panukalang isusulong ng Quad Comm inilatag

Manila, Philippines – Labintatlong lehislasyon na ang nabuo ng Quad Comm sa patuloy na pagdinig na isinasagawa kaugnay sa operasyon ng ilegal na Philippine Offshore and Gaming Operators (POGO), extra-judicial killing at ang ilegal na droga sa bansa.

Binigyang-diin ni Surigao Rep. Ace Barbers, chairperson ng Quad Comm na kabilang sa ngayon ay ikinokonsidera ng komite ang pagsusulong ng pagbabalik ng death penalty ngunit sa ilang krimen lamang.

Sa kanyang opening statement ay tahasang sinabi ni Barbers na, “Naging urong sulong po tayo sa usaping death penalty noong mga nakalipas na panahon. Tingnan nyo ang nangyari. Sumama po lalo ang naging lagay ng ating kapayapaan at kaayusan. Hindi na takot ang mga kriminal. Lantaran ang ginawang pamamaslang na ngayon ay tinawag nating Extra-Judicial Killings. Mismong ating mga kapulisan ang ginamit na pamatay tao.”

Isusulong din ng komite ang mga pagrepaso at pag-amyenda sa mga sumusunod na batas:

• Cybercrime Law dahil sa paglaganap ng ilegal na sugal at investment scams;

• Amend Republic Act No. 9160, as amended by RA 10365  o Anti-Money Laundering;

• Amend Republic Act No. 11232 – Revised Corporation Code of the Philippines

• Amend RA 7160 o Local Government Code of 1991;

• Amend law on birth registration to ensure that only Filipino citizens are registered and issued certificates of live birth;

• Amend the Land Registration Act to ensure that only legitimate corporations and Filipinos citizens may own lands;

• Amend the Civil Registry Law

• Amend RA 9165 o Comprehensive Dangerous Drugs Act of 2002

• Amend RA 6981 o Witness Protection Act

• Review Department of Foreign Affairs in issuing visas to foreigners

• Amend Republic Act 11983 or the New Passport Act

• Repeal EO 13 (series of 2017), EO 175 at RA 11590 na nagsasaligal sa operasyon ng POGO ng mga dayuhan sa bansa.

Sa panig naman ni Manila Rep. Dante Abante, chairman ng House Committee on Human Rights sinabi niyang isusulong niyang mapabilang o maikonsidera bilang “heinous crime” ang extra-judicial killing kung ang suspek ay pulis o opisyal ng Philippine National Police (PNP), mabigyan ng kompensasyon ang mga biktima ng EJK, mabigyan ng kapangyarihan ang Human Rights Commission na makapagsagawa ng motu-propio investigation sa usapin ng paglabag sa karapatang pantao.

 Isusulong din ni Abante ang pagrepaso sa Republic Act 8551 o mas kilala bilang Philippine National Police Reform Act of 1998 sa pagsasabing “the PNP Operational guidelines on Rules of Engagement and last is creation of independent and impartial mechanisms or commission to investigate and bring perpetrators of drug related extra-judicial killings to justice.”

Sa mga susunod na pagdinig ay ipatatawag din ng Quad Comm ang kinatawan ng banking industry, upang masilip ang Bank Secrecy Law; Bureau of Customs; sosulusyunan din sa pagdinig upang hindi magkaroon ng gadgets o cellphone ang mga bilanggo, ipatatawag ang mga dating opisyal at kawani ng gobyerno na pinaghihinalaang may kinalaman sa ilegal na droga at paggawa ng listahan ng drug personalities. Meliza Maluntag