MANILA, Philippines – Inirekomenda ng Quezon City Prosecutor’s Office ang pag-file ng dalawang murder charges laban kina Pia Panganiban, Christian Panganiban, at Gil Dy Jr. kaugnay ng pagpatay kay PSMS Diane Marie Mollenido at sa kanyang 8-taong gulang na anak na si John Ysmael.
Ayon sa resolusyon noong Pebrero 16, 2026, dapat aprubahan at i-file ang kaukulang Information sa Quezon City Regional Trial Court, at irekomenda na walang bail dahil sa matibay na ebidensya.
Samantala, ang kaso para sa robbery with homicide at theft ay inirekomendang i-dismiss dahil sa kakulangan ng ebidensya.
Tinanggihan rin ng National Capital Region Police Office ang apela ni John Mollenido na i-lift ang restrictive custody order. RNT/MND
