MANILA, Philippines – Ayon kay ACT Teachers Rep. Antonio Tinio, wala pa siyang naririnig na fast-track attempt sa impeachment ni Vice President Sara Duterte, ngunit mas gusto niya agad magsimula ang proseso.
Inaasahan niyang maisama sa Order of Business ng House of Representatives sa Miyerkules ang tatlong impeachment complaints laban kay Duterte, para mairefer sa committee on justice.
“Kung daraan tayo sa justice committee, okay din para masariwa sa lahat ang isyu ng confidential fund,” ani Tinio.
Tatlong complaints na ang na-file: mula sa Makabayan Coalition (Feb. 2), civil society groups (Feb. 2), at lawyers at clergy members (Feb. 5).
Ang mga ito ay forwarded na kay House Speaker Bojie Dy III, at may 10 session days ang speaker para maisama sa agenda.
Ani Tinio, nananatili pa rin ang majority support para sa impeachment ng Bise Presidente.
Bagama’t itinuring ng Supreme Court na unconstitutional ang dating impeachment complaint noong Hulyo 25, sinabi ng SC na hindi nito pinawalang-sala si Duterte sa mga alegasyon. RNT/MND
