MANILA, Philippines – Nag-iimbestiga na ang Manila International Airport at ang pribadong consortium na nangangasiwa sa pangunahing gateway ng bansa kung bakit bumigay ang isang protective bollard na naglalayong protektahan ang mga tao sa departure area ng NAIA Terminal 1 nang mabangga ito ng isang SUV noong Linggo.
Sa isang press conference nitong Lunes, Mayo 5, sinabi ni Dizon na ang mga bollard ay dapat na pumipigil sa mga sasakyan na makapasok sa lugar ng mga pasahero at well-wishers.
Ang Bagong NAIA Infra Corp. (NNIC) ay isang consortium ng San Miguel Holdings Corp., RMM Asian Logistics Inc., RLW Aviation Development Inc., at Incheon International Airport Corp.
Ang San Miguel Holdings Corp., naman, ay isang subsidiary ng San Miguel Corp.
Nang pumunta siya sa airport noong Linggo kasunod ng aksidente, sinabi ni Dizon na napansin niya na hindi masyadong matibay ang bollard barriers.
Ayon kay Dizon, ang bollard ang siyang pumipigil sa sasakyan na makalusot sa area ng mga pasahero. Jocelyn Tabangcura-Domenden
