ILOILO CITY- Duguang nakabulagta at wala nang buhay nang matagpuan ang biktima sa gitna ng palayan matapos pagbabarilin ng hindi pa kilalang suspek kahapon ng umaga sa bayan ng Lambunao.
Kinilala ang biktimang si Rolando Alonday 50-anyos, taga -Brgy. Supanga Calinog Iloilo.
Batay sa report ng Lambunao Municipal Police Station, bandang alas-7 ng umaga nang matagpuan ang bangkay ng biktima sa gitna ng palayan ilang metro ang layo sa pinagtatrabahuhan nito sa Brgy. Alugmawa Lambunao Iloilo.
Kwento ng misis ng biktima na si Stella Alonday, bago ang krimen ay napagbintangan ang kanyang mister na nagnakaw ng treser sa nasabing lugar.
Nagpapatuloy naman ang ginawang pagsisiyasat ng pulisya para sa pagkakakilanlan sa suspek at tunay na motibo sa krimen. Mary Anne Sapico
