MANILA, Philippines – Arestado ng pulisya sa Pasay City ang isang Korean national na most wanted dahil sa kaso ng rape.
Ang Korean national ay may standing arrest warrant na inisyu ng korte at walang piyansang inirekomenda.
Sinilbihan ng warrant of arrest ang akusado sa Ninoy Aquino International Airport Terminal 1 ng mga operatiba ng NAIA Police Station 1 sa pakikipag-ugnayan sa Manila Police District-Women and Children Concern Section (MPD-WCCS), sinabi ng Philippine National Police (PNP).
Nasa kustodiya na ng MPD-WCCS ang suspek.
“This arrest demonstrates that the PNP respects and enforces the authority of the courts at all times. Walang sinuman ang maaaring umiwas sa pananagutan,” pahayag ni PNP acting chief Police Lieutenant General Jose Melencio Nartatez Jr.
“Our responsibility is to ensure that justice is pursued and that victims are given the protection they deserve. Patuloy naming gagampanan ang aming tungkulin para sa kaligtasan ng mamamayan,” dagdag pa niya. RNT/JGC
