GENEVA, Switzerland – Ayon sa World Health Organization, ang Mpox ay hindi na isang pang-internasyonal na health emergency.
Idineklara ng UN health agency na noong Agosto 2024, nang magsimulang kumalat ang isang uri ng mpox mula sa Democratic Republic of Congo patungo sa mga kalapit na bansa.
Mula noon ay nagkaroon ng patuloy na pagbaba ng mga kaso sa Congo at iba pang mga apektadong bansa kabilang ang Burundi, Sierra Leone at Uganda, sinabi ng direktor ng WHO na si Tedros Adhanom Ghebreyesus.
Maaaring kumalat ang Mpox sa pamamagitan ng close contact. Kahit na may pangkaraniwang “mild” cases, ito ay nakamamatay sa mga bihirang kaso. Nagdudulot ito ng mga sintomas tulad ng trangkaso at mga sugat na puno ng nana sa katawan.
Ang mga bata, mga buntis na kababaihan at mga taong may mahinang immune system, tulad ng mga may HIV, ay nasa mas mataas na panganib ng mga komplikasyon.
Sinabi ng WHO na ang Mpox ay isa pa ring pampublikong alalahanin sa kalusugan sa buong mundo, ngunit nagpasya itong i-downgrade batay sa payo mula sa Emergency Committee, na nagpupulong tuwing tatlong buwan upang suriin ang mga outbreak.
“While we are removing the emergency, we need to keep the urgency,” saad ni Professor Dimie Ogoina ng Emergency Committee.
“This is not a time for us to reduce the investments in terms of financial investment, partnership, solidarity, especially for most affected countries in the African continent,” dagdag niya. RNT/MND
