MANILA, Philippines – Naka-heightened security alert ang Metro Rail Transit Line 3 (MRT-3) mula Oktubre 30 hanggang Nobyembre 4 kasabay ng paggunita ng Undas.
“MRT-3 will raise its security to heightened alert from October 30 to November 4 to ensure passengers’ safety during the upcoming Undas,” sinabi ng Department of Transportation (DOTr) sa Facebook post nitong Martes, Oktubre 28.
Bilang paghahanda sa dagsa ng mga pasahero sa nasabing panahon, ipakakalat ang karagdagang mga security at station personnel para umagapay sa mga commuter.
Idinagdag pa ng ahensya na plano nitong maglagay ng police assistance desks sa mga istasyon ng tren sa pakikipagtulungan sa Philippine National Police.
Siniguro ng ahensya na sapat ang four-car at three-car trains sa Undas weekend.
Samantala, naka-alerto rin ang Light Rail Transit Line 2 (LRT-2) sa kabila ng inaasahang pagbaba sa bilang ng mga pasahero.
Ani LRT Authority Administrator Atty. Hernando Cabrera, ang inaasahang “low ridership” ay dahil sa walang pasok tuwing Undas at walang sementeryo malapit sa mga istasyon ng LRT-2. RNT/JGC
