MANILA, Philippines- Kinumpirma ng Department of Foreign Affairs (DFA) na nag-uusap ang Pilipinas at ang Indonesia upang makalikha ng “mutually agreed solution” sa kaso ni Mary Jane Veloso.
Kasunod ito ng pahayag ng Indonesia na ikokonsidera nito ang paglipat kay Veloso sa kulungan sa Pilipinas base sa kahilingan ng bansa.
“I’d just like to confirm we’re doing all we can for Mary Jane Veloso. Certainly, the Indonesians and the Filipinos have been talking about this for some time, and we hope that we’ll come out with a mutually agreed solution, which will be to the utmost benefit for Miss Veloso and her family,” pahayag ni Foreign Affairs Undersecretary for Migration Eduardo Jose De Vega sa isang panayam nitong Biyernes.
“We’re hopeful that we can announce something positive soon,” dagdag niya.
Sinintensyahan si Veloso, nakulong noong 2010, ng bitay sa parehong taon matapos matuklasan ang 2.6 kg. ng heroin sa kanyang bagahe.
Ipinagpaliban ang pagbitay kay Veloso nang ipagbigay-alam ng Manila sa Indonesia ang pagsuko ng recruiters niya noong Abril 2015.
Noong panahong iyon, walo pang drug convicts – pitong dayuhan at isang Indonesian – ang binitay sa pamamagitan ng firing squad.
Noong Nov. 11, sinabi ng Indonesia’s Coordinating Ministry for Legal, Human Rights, Immigration, and Correction na kasalukuyang kinokonsidera ng Jakarta ang prisoner transfer para sa foreign inmates, kabilang si Veloso “in line with requests from the inmate’s home country.” RNT/SA
