MANILA, Philippines- Inihayag ng Metropolitan Waterworks and Sewerage System (MWSS) nitong Biyernes na susunod ito sa utos ng Supreme Court na mag-ulat sila hinggil sa ilang usapin sa Manila Bay.
“We have to look on the SC order, and we will definitely comply on the order of the Supreme Court,” pahayag ni MWSS spokesperson Patrick Dizon.
“MWSS is regularly submitting report to SC (every quarter) of our projects and their accomplishments,” dagdag ni Dizon.
Kamakailan ay ipinag-utos ng High Tribunal sa government agencies na mag-ulat ukol sa polusyon sa Manila Bay, mga isinasagawang hakbang, reclamation projects, at environmental impact ng mga ito.
Sa en banc session, nagdesisyon ang SC na magsagawa ng oral arguments hinggil sa kaso ng Metropolitan Manila Development Authority, et al. (petitioners) v. Concerned Residents of Manila Bay, et al. (respondents) and Akbayan Citizen’s Action Party (intervenor).
Inatasan ang mga kaukulang ahensya na mag-ulat sa mga sumusunod:
Measurement benchmarks ng polusyon sa Manila Bay;
Kasalukuyang ipinatutupad na upang makasunod sa kanilang mandato na pangalagaan ang Manila Bay, at panatilihin ang katubigan nito sa SB level (Class B Sea waters alinsunod sa Water Classification Tables sa ilalim ng Department of Environment and Natural Resources [DENR] Order No. 34 [1990]) upang maging akma ito sa paglalangoy, skin-diving, at iba pang uri ng contact recreation;
realistic targets para sa sunod na limang taon; at
ongoing reclamations at epekto ng mga ito sa kalikasan partikular sa polusyon.
