Manila, Philippines- Personal na tinanggap ni Nadine Lustre ang kanyang award bilang Movie Actress of the Year sa katatapos lang na PMPC 39th Star Awards For Movies, na ginanap recently sa Winford Resort and Casino, para sa pelikulang pinagbidahan niya na Deleter.
Nagpasalamat ang aktres sa mga nakasama niya sa pelikula, pero special mention niya ang Filipino French boyfriend na si Cristophe Bariou, na kasama niyang dumating sa awards night.
Matatandaan na kakaharap lamang din ni Nadine sa press people para sa presscon ng pelikulang Uninvited, kung saan isa siya sa mga bida, kasama ang mga bigating artista na sina Vilma Santos at Aga Muhlach.
Entry ito ng Mentorque Productions sa Metro Manila Film Festival na magsisimula ngayong Kapaskuhan.
Kaya naman masaya ang mga fans ni Nadine dahil visible ang kanilang idol sa pelikula, pero ang ibang mga faney ay namimiss na raw na mapanood siya sa teleserye.
Pero ang sad news ay wala pang balak magbalik sa teleserye si Nadine.
Matatandaan na ang huling serye na ginawa ni Nadie kapareha ang dating boyfriend at ka-loveteam na si James Reid ay yung Till I Met You, noong 2017 pa.
“It’s different working on TV series because you need more time, lots of time and a lot of attention. Sometimes it doesn’t really last for like three months lang, but more pa,” sabi ni Nadine. Rommel Placente
