MANILA, Philippines- Nilagdaan ni Pangulong Ferdinand “Bongbong” Marcos Jr. ang Administrative Order No. 32, opisyal na nagtatatag sa National Task Force Kanlaon upang tugunan ang volcanic threats at protektahan ang mga komunidad sa Negros Island Region.
Binigyang-diin ni Marcos ang pangangailangan ng mas maigting na koordinasyon sa government agencies upang matiyak ang “more effective, efficient, and strategic response to natural disasters.”
Binuo ang task force sa gitna ng dumaraming volcanic activity ng Kanlaon Volcano. Iginiit ni Marcos ang “coordinated government approach” upang ibsan ang social, economic, at environmental impacts ng potensyal na pagsabog.
Tungkulin ng Task Force Kanlaon na pangunahan ang recovery, rehabilitation, at resettlement planning and implementation. Pangungunahan ito ng Department of National Defense, kasama ang mga miyembro, kinabibilangan ng Departments of Science and Technology, Environment and Natural Resources, Public Works and Highways, Social Welfare and Development, at iba pang kaukulang ahensya.
Magsisilbi ang Office of Civil Defense na secretariat ng task force, magbibigay ng administrative at logistical support.
Sumasalamin ang paglikha sa task force sa commitment ng administrasyon sa Philippine Disaster Risk Reduction and Management Act of 2010 (RA No. 10121). RNT/SA
