BULACAN — Natagpuan na noong Lunes, Nobyembre 17, sa Binagbag, Angat, Bulacan ang bangkay ni Bryant James “Bornok” Divina, 15 anyos, isang Boy Scout, matapos ang 10-araw na paghahanap.
Nakita si Divina sa Ilog Bakas, Barangay Matictic, Norzagaray, noong Biyernes, Nobyembre 7.
Ang mga rescuer mula sa Norzagaray at Bulacan PDRRMO ang nagsagawa ng paghahanap, ngunit nahirapan dahil sa malalakas na agos mula sa dam releases, maulap na tubig, at mababang visibility. Ginamit ang mga divers, bangka, at drones sa operasyon.
Si Divina ay assistant senior crew leader ng North Hills Village High School sa Norzagaray.
Inalala siya ng Boy Scouts of the Philippines – Bulacan Council bilang masipag at dedikadong Scout.
Nagpasalamat ang pamilya sa lahat ng tumulong sa paghahanap. Pinayuhan din ng mga awtoridad ang mga magulang na bantayan ang kaligtasan ng kanilang mga anak. RNT
