MANILA, Philippines – NAGPAHAYAG ng pag-aalala si Pangulong Ferdinand R. Marcos Jr. ukol sa lumalalim na humanitarian situation sa Gaza at patuloy na karahasan sa Gitnang Silangan.
Hinikayat ni Pangulong Marcos ang mga kinauukulang partido para sa negosasyon para sa kapayapaan.
“The Philippines as well is gravely concerned over the catastrophic humanitarian situation in Gaza and the increasing tensions in the Middle East region, particularly in Lebanon,” ang sinabi ni Pangulong Marcos sa kanyang interbensyon sa idinaos na 19th East Asia Summit sa Vientiane, Laos.
“We urge all parties to refrain from escalating the violence and to work towards a peaceful resolution of the conflict. The Philippines supports a two-state solution where Israel and Palestine coexist peacefully in mutual security,” ang sinabi pa rin ni Pangulong Marcos.
May kabuuang 11,000 Filipino ay nasa Lebanon, may 192 ang nakatakda nang umuwi ng Pilipinas at 413 ang pinoprotektahan ang pagbabalik sa bansa.
Nauna rito, inatasan ni Pangulong Marcos ang iba’t ibang ahensiya na gamitin ang kanilang resources at assets para iuwi sa Pilipinas ang mga apektadong Filipino.
Nanawagan naman ang Punong Ehekutibo sa lahat ng EAS participating countries sa summit nai- renew ang kanilang commitment tungo sa “truly open, inclusive, at transparent regional architecture underpinned by the rule of law to address common challenges, and confront the critical issues.”
Sa kabilang dako, sa usapin naman ng Korean Peninsula, hinikayat ni Pangulong Marcos ang Democratic People’s Republic of Korea’s (DPRK) na sumunod sa lahat ng kaugnay na United Nations Security Council (UNSC) resolutions, sinabi ng Pangulo na welcome sa Pilipinas ang pagsisikap ng Republic of Korea na i-promote ang kapayapaan at katatagan sa Peninsula.
“The ‘Audacious Initiative’ and the ‘August 15 Unification Doctrine’ are important efforts in this regard. We have consistently supported the call for a complete, verifiable, and irreversible denuclearization of the DPRK,” ang winika ni Pangulong Marcos. Kris Jose
