Naaresto ng mga awtoridad ang pinaka-notoryus na carnapper sa Central Visayas matapos ang isang manhunt, ayon sa pulisya nitong Martes.
Ang suspek, na kilalang umuupa ng sasakyan sa Cebu at Bohol ngunit hindi ito ibinabalik, ay nahuli sa Negros Island Region noong Marso 16.
Gumamit siya ng pekeng pangalan at mga pekeng dokumento upang umiwas sa mga awtoridad.
Bukod sa kaso niya sa Bohol, may kaso rin siya sa Cebu, kung saan ninakaw niya ang sasakyan ng kanyang amo matapos magpanggap bilang isang family driver.
Dinala na ang suspek pabalik sa Bohol kung saan inilabas ang kanyang warrant of arrest. RNT
